Board of directors

خیبر پختونخوا گورنمنٹ سرونٹس ہاؤسنگ فاؤنڈیشن کے بورڈ آف ڈائریکٹرز کی تشکیل کا باقاعدہ نوٹیفکیشن جاری کر دیا گیا ہے۔ اس ضمن میں جناب ظفر خان یوسفزئی چئیرمین سیکرٹریٹ کوآرڈینیشن کونسل اور جناب عظمت علی، خیبر پختونخوا ہاؤسنگ اتھارٹی کو بھی بورڈ آف ڈائریکٹرز کے رکن (ڈائریکٹر) مقرر کیے گیے ہیں ۔ انہیں دل کی گہرائیوں سے مبارکباد!

یہ بورڈ خیبر پختونخوا گورنمنٹ سرونٹس ہاؤسنگ فاؤنڈیشن ایکٹ 2025 کے تحت تشکیل دیا گیا ہے، جسے فاؤنڈیشن کے تمام امور چلانے کے مکمل اختیارات حاصل ہوں گے، جن میں پلاٹس کی الاٹمنٹ، ہاؤسنگ اسکیموں کی منظوری، ممبران کی شراکت اور دیگر اہم معاملات شامل ہیں۔

مزید برآں، منیجنگ ڈائریکٹر کی تقرری کے بعد بورڈ کا باقاعدہ اجلاس طلب کیا جائے گا، جس میں تمام قواعد و ضوابط کی منظوری دی جائے گی۔ اس کے بعد باقاعدہ طور پر پلاٹس کی الاٹمنٹ کا عمل شروع کیا جائے گا۔

یہ اقدام سرکاری ملازمین کو اپنی رہائش کے خواب کی تکمیل کی جانب ایک اہم سنگِ میل ہے۔

خوشحال ملازمین،

مضبوط خیبر پختونخوا!

خیبرپختونخوا ہاؤسنگ فاؤنڈیشن، محکمہ ہاؤسنگ حکومت خیبرپختونخوا

Share On: